សាកលវិទ្យាល័យភ្នំពេញអន្តរជាតិ (ស.ភ.ព.អ) បានចាប់បដិសន្ធិនាឆ្នាំ២០០២ ជា “សាកលវិទ្យាល័យអាស៊ាន” ក្រោមការផ្តួចផ្តើមរបស់សាកលវិទ្យាធិការ លោកស្រី ទេព កូលាប ដែលជាបញ្ញវន្តខ្មែរមួយរូបប្រកបដោយស្មារតី ឆន្ទៈ និង ឧត្តមគតិខ្ពង់ខ្ពស់ និងមោះមុត សម្រាប់វិស័យឧត្តមសិក្សា​ របស់កុលបុត្រ កុលធីតាកម្ពុជាជំនាន់ក្រោយ។ លោកស្រីសាកលវិទ្យាធិការ បានបូជាទាំងកម្លាំងកាយ ចិត្ត កិត្តិយស និងទ្រព្យធនផ្ទាល់ខ្លួន ដើម្បីកសាង និង ពង្រីកសាកលវិទ្យាល័យ ចាប់តាំងពីមាននិស្សិតត្រឹមតែ ១០៥០នាក់ រហូតដល់ ៧០០០នាក់ និងពីជួលមូលដ្ឋានរូបវន្តរហូតដល់កសាងបានហេដ្ឋារចនាសម័្ពន្ធរូបវន្តដែលប្រកបដោយផាសុកភាព មានបរិដ្ឋានល្អសម្រាប់ការសិក្សារបស់និស្សិត។

        សាកលវិទ្យាល័យបានប្តូរឈ្មោះមកជា “សាកលវិទ្យាល័យភ្នំពេញអន្តរជាតិ -ស.ភ.ព.អ” (Phnom Penh International University - PPIU) នៅឆ្នាំ២០០៦ តាមអនុក្រឹត្យលេខ ១១១ អនក្រ. បក ចុះថ្ងៃទី ២៤ ខែតុលា ឆ្នាំ២០០៦ របស់រាជរដ្ឋាភិបាលកម្ពុជា និងក្រោមការគ្រប់គ្រងរបស់ក្រសួងអប់រំយុវជន និងកីឡា។

​

​

១-  មហាវិទ្យាល័យពាណិជ្ជសាស្ត្រ និងទេសចរណ៍ បណ្តុះ បណ្តាលថ្នាក់បរិញ្ញាបត្ររង និងបរិញ្ញាបត្រ

 • ជំនាញគ្រប់គ្រង 

 • ជំនាញគណនេយ្យ 

 • ជំនាញគ្រប់គ្រងសណ្ឋាគារ និងទេសចរណ៍ 

 • ជំនាញគ្រប់គ្រងការដឹកជញ្ជូន 

 • ជំនាញទីផ្សារ 

២- មហាវិទ្យាល័យនីតិសាស្ត្រ និងសេដ្ឋកិច្ច បណ្តុះ បណ្តាលថ្នាក់បរិញ្ញាបត្ររង និងបរិញ្ញាបត្រ

 • ជំនាញអភិវឌ្ឍសេដ្ឋកិច្ច 

• ជំនាញហិរញ្ញវត្ថុ និងធនាគារ 

 • ជំនាញរដ្ឋបាលសាធារណៈ 

 • ជំនាញច្បាប់ 

 • ជំនាញទំនាក់ទំនងអន្តរជាតិ 

៣- មហាវិទ្យាល័យវិទ្យាសាស្ត្រអប់រំ បណ្តុះ បណ្តាលថ្នាក់បរិញ្ញាបត្ររង និងបរិញ្ញាបត្រ

 • ភាសាអង់គ្លេសអប់រំ 

 • ភាសាអង់គ្លេសពាណិជ្ជកម្ម 

៤- មហាវិទ្យាល័យវិទ្យាសាស្ត្រ និងព័ត៌មានវិទ្យា បណ្តុះ បណ្តាលថ្នាក់បរិញ្ញាបត្ររង និងបរិញ្ញាបត្រ

 • គ្រប់គ្រងប្រព័ន្ធព័ត៌មានវិទ្យា 

 • វិទ្យាសាស្ត្រកុំព្យូទ័រ 

 • វិស្វកម្មទូរគមនាគមន៍